مع F-Type R Coupe مِش عَم نحكي عن مجرّد نسخة Coupe من F-Type roadster، ولكن عن أقوى Model من إنتاج Jaguar بتاريخ هالشركة العريق. وطبيعة قيادتا مختلفة عن يلّي عودتنا علي Jaguar على مدى عشرات السنين، باعتبار إنّو هالسيارة الرياضية بإمتياز، بتتمتّع بطباع أو Character خاص فيا ومميّز كتير.

جسم السيارة متين وخفيف بنفس الوقت، علماً إنّو القياسات مشتركة مع الفئة المكشوفة، متلا متل المكوّنات الداخلية أو ال Interior Components. والخطوط إنسيابية، مع خط سقف بينخفض تدريجياً من الخلف، علماً إنّو هال Roof ممكن يكون من ال Aluminum أو من الإزاز.

وداخل ال Cabin، الطابع الرياضي واضح على مستوى المقاعد يلّي بتثبّت جسم السايق والراكب إلى جانبو، علماً إنّو النَفَس الديناميكي الجذاب بطال ال Steering والعدّادات وال Transmission وغيرا من التجهيزات.

وميزة F-Type R Coupe الأساسيّة هيّي الأداء الخارق، يلّي بأمّنو محرك V8 سعة 5 ليترات، بولّد 550 حصان. وبفضلو من الممكن التسارع من صفر لمية كيلومتر خلال 3,6 ثوان، مع سرعة قصوى بتبلغ 300 كلم/س. والمكابح أو ال Brakes فعّالين، وفِيون يكُونوا مصنوعين من ال Carbon.

وال Gearbox الأوتوماتيك من 8 نسب، وبتساهم بزيادة فعاليّة ال Acceleration، بينما ال Suspensions النشيطة بتتحرّك بتحم إلكتروني للحفاظ على التوازن بمختلف الظروف. وبمجرّد الوصول لسرعة 110 كلم/س. بيتمدّد جناح خلفي لتعزيز الثبات من خلال زيادة ال Downforce. واللافت إنّو أيّا حركة بال Steering، بتنعكس تجاوب كبير ل F-Type Coupe R. وبإمكان السايق إختيار أكتر من برنامج قيادة، علماً إنّو ال Driving Mode الأقوى والرياضيّة كتير، بتحمل إسم Dynamic.

ومع سعر منافس بفئتا، رح تجذب Jaguar F-Type Coupe R عدد كبير من السايقين يلّي بيعشقوا الأداء الرياضي، ويلّي بيطلبوا الفخامة والراحة والإسم العريق كمان.