Bentley Continental GT V8 هيّي، ومتل ما بدلّ إسما، سيارة GT رياضية، مزوّدة بمحرك V8 جديد، وبتحمل مواصفات الفخامة المعهودة من شركة Bentley، ومن خلال طراز Continental بالتحديد. وهالسيارة يلّي لعبت دور مهمّ كتير بالحفاظ على تواجد Bentley Brand من تاريخ إطلاقا سنة 2003، ويلّي حقّقت مبيعات ممتازة سنة 2011 الماضية، تجاوز مجموعا ال 7,000 سيارة، صارت متوفّرة بفئة جديدة، بتتميّز خصوصاً بمحركا الصغير، والإقتصادي أكتر، بطبيعة الحال. وهالتغيير إنعكس كمان إيجابياً على سعر المبيع يلّي إنخفض بنسبة 10 %، بالنسبة للفئتين Coupe والمكشوفة.

(التصميم)

تصميم Bentley Continental بحافظ من جهة على تراث هالسيارة الأصيلة والفخمة، وبيعكس من جهة تانية الطابع العصري والديناميكي يلّي عم بتحاول GT V8 تاخدو.

ومع طول بيبلغ 20 سنتيمتر أقل من خمس متار، وBody من بابين، مش ممكن إنّو هالسيارة ما تفرض حضورا القوي على الطريق، وهيّي بتذكّرنا بسيارات كلاسيكية كانت تعتمد هالأسلوب بالتصميم، ويلّي بيترافق مع مقدّمة طويلة كمان. وما حدا يفتكر إنّو قيادة Continental GT V8 سهلة بالشوارع الضيّقة، لإنو عرضا مع المرايا الجانبية بيبلغ مترين و22 سنتيمتر! لكن وبهدف تأمين خطوط Aerodynamics، وتعزيز قدراتا الديناميكية، تمكّن المهندسين من الحفاظ على إرتفاع منخفض للسقف بحدود المتر وأربعين سنتيمتر، مع الإشارة إلى إنّو خط السقف ملتوي، وبينحني بقوّة من الخلف ليتصل بغطا الصندوق. وألوان ال Painting بتشمل سبع خيارات مختلفة، إضافة لتلات ألوان بالنسبة لسقف القماش المستخدم بالفئة GTC المكشوفة.

وإذا كانت الخطوط المصنوعة من الكروم بمحيط النوافذ وبأسفل الأبواب بتعكس الفخامة العامة، فكتير من المواصفات التانية بتأكّد الطابع الرياضي والمميّز لهالفئة الجديدة. وبهالإطار بتبرز ال Calendar السودا، وال Spoilers الجريئة، وال Wheels قياس 20 إنش، وحتى 21 إنش، والجناح أو ال Wing بالخلف.  وتمايز الفئة V8 بيشمل ال Bumper السفلي الأمامي يلّي بيتكوّن من تلات أجزاء. 

والمميّز بال Exhaust tailpipe إنّو بيستفيد من Figure of 8 shape، يعني المخارج المزدوجة لأنبوب ال Exhaust هّيي بشكل رقم ثماني بوضعيّة مايلة.

وبالنسبة لشعار بنتلي، من المعروف إنّو حرف B بيرمز لكلمة Bentley، علماً إنّو الأجنحة المحيطة بال Logo، بترمز لتاريخ هالشركة البريطانية يلّي كانت متخصّصة خلال الحرب العالمية الأولى بإنتاج محركات الطيارات، قبل ما تتوجّه لقطاع السيارات بعد إنتهاء الحرب. وبترمز كمان لفعالية هالسيارات بالسباقات. وال Red B Badgingالمستخدم ب Continental GT V8هوّي دليل على قوّة الأداء وعلى الطابع الرياضي العام، وبميّز هالفئة عن "شقيقتا" V12. وما في شكّ إنّو اللون الأحمر بيتكامل مع ال Calipers الحمر المتوفّرين مع ال Disk Brakes، وبزيد الجاذبية العامة، خاصة إنّو بيترافق مع Grill أمامي أسود مع إطار من الكروم.

(المقصورة)

إشارة إنّو Bentley Continental GT والفئة GTC المكشوفة منّا، هيّي سيارات فخمة مخصّصة لأربعة ركاب داخل المقصورة. وبتبرز المقاعد الأربعة المريحة والفخمة والمستقلة، علماً إنّو كونسول طويل بيفصل بين جهة اليمين وجهة اليسار من ال Cockpit. وما في حاجة لتأكيد فخامة ال Components، والإهتمام الكبير بأدق التفاصيل. واللافت إنّو الخيارات المتاحة للمستهلكين كتير كبيرة، بالنسبة لأنواع الخشب والجلد والألوان، بهدف السماح لمحبّي Continental GT V8تعديل سيارتن متل ما هنّي بحبّو. والتجهيزات المتوفّرة مترفة، وأبرزا شاشة عرض بتشتغل باللمس، ونظام معلوماتي متطوّر، مع Memory بسعة 30 Gegabytes.

لكن بالنسبة للمساحات المخصّصة للركاب بالخلف، منّا كتير كبيرة. كما إنّو سعة صندوق التحميل محدودة نسبة للحجم العام، وبتبلغ 358 ليتر بالفئة Coupe، و260 ليتر بسّ بالفئة Convertible.

(المحرك)

بالنسبة للمحرك، التغيير الأبرز هوّي إستبدال ال W12 Engine بمحرك V8 جديد، سعة 4 ليتر، سمح بخفض إستهلاك البنزين بنسبة 40 %، وبخفض إنبعاثات CO2 الملوّثة بطبيعة الحال. وهالEngine مأخود من Audi Brand يلّي بتنتمي لمجموعة Volkswagen، متلا متل Bentley. وإشتغل المهندسين على تعديل محرك V8، المأخود بالتحديد من Audi S8، لتكون برمجتو وطباعتو مناسبة أكتر ل Continental GT. وبتبلغ طاقة المحرك يلّي بيستفيد من 2 Turbo، ومن Direct Injection، 500 حصان، علماً إنّو ال Torque الأقصى بيبلغ 660 "نيوتن متر". والمميّز إنّو هالعزم المرتفع يُستخرج على سرعات دوران واسعة، بتتراوح بين 1700 و5000 دورة بالدقيقة.

وصحيح إنّو هالمحرك الجديد خسر 67 حصان، بالمقارنة ب W12 Engine، إضافة لتراجع طفيف بال Torque، لكن الكسب على مستوى إستهلاك الوقود، كتير كبير، وبلغت نسبتو 40 %! وعم نحكي عن إستهلاك بيبلغ 10,5 ليتر بنزين بس لكل مية كيلومتر، علماً إنّو وزن السيارة الضخمة بيبلغ 2300 كيلوغرام! وبهدف خفض إستهلاك الوقود أكتر، تمّ إستخدام نظام لوقف عمل نصف الأسطوانات، أو Cylinder Deactivation، بس ما يكون في حاجة لكامل الطاقة الحصانية.

وبتبرز ال Transmission الجديدة من فئة ZF، ويلّي بتتكوّن من 8 نسب أمامية، علماً إنّو هال Gearbox ما كانت متوفّرة مع محرك W12. وهيّي ساهمت وحدا، بخفض الإستهلاك بنسبة 6 %، علماً إنّو الإنتقال بين سرعة وسرعة بتمّ بسهولة وبنعومة واضحة. وبفضل ECU أو Electronic Control Unit تبديل النسب بتم بسرعة كبيرة، وبتحكم أوتوماتيكي "ذكي"، مع برمجة تشغيل بتتأقلم بسرعة حسب الحاجة.

وBentley Continental GT V8 بتندفع بالإطارات الأربعة بشكل دايم، بفضل نظام All Time Four Wheel Drive. والتغيير يلّي لحق بهالنظام شمل توزيع عزم دوران المحرك بظروف القيادة العادية. فبدلاً من توزيع بنسبة 50 – 50 % بين المحورين الأمامي والخلفي، صار التوزيع بنسبة 40 % لل Front Axle، وبنسبة 60 % لل Rear Axle. وهالشي عزّز الشعور الديناميكي خلف المقود خلال القيادة الرياضية، وخفّض إنزلاق الإطارات بالأمام داخل المنعطفات القاسية. وبمجرّد إنزلاق أي من الإطارات، بتم أوتوماتيكياً تبديل توزيع العزم لإستعادة التوازن.

(الأداء)

وقبل ما نتوقّف مع شرح أداء Continental GT V8، من الضروري الإشارة إلى إنّو Bentley تعاونت مع JuhaKankunen، بطل العالم للراليات لأربع مرّات، وحامل الرقم القياسي العالمي للسرعة على الجليد، لتأكيد الطابع الديناميكي المعزّز لهالسيارة. وKankunen أكّد بنفسو إنّو الفئة الجديدة منContinental متوازنة كتير. وبالفعل وعلى الرغم من تعرّض GT V8 لبعض الإنزلاقات الجانبية بالمنعطفات، نتيجة طولا، فهي سيارة متماسكة عموماً. وثباتا على السرعات العالية ممتاز، مع إمكان رفع السرعة بفعالية كبيرة، بمجرّد الضغط على البنزين. وهون بيلعب ال Turbocharging بضغط عالي بيبلغ BAR 2,2دور مهم بتأمين التسارع النشيط المطلوب. وكمان الصوت الصادر عن المحرك مميّز، وهوّي أجمل حتى من الصوت يلّي بتأمّنو Audi S8 عبر نفس المحرك!

ومن الممكن التسارع من صفر لمية كلم/س. خلال 4,8 ثوان بس بالفئة Continental GT V8، وخلال 5 ثوان بالفئة GTC المكشوفة. والسرعة القصوى أو ال Maximum Speed بتزيد عن 300 كلم/س. إذا كان إتجاه الهوا مناسب. وهالأرقام المسجّلة قريبة كتير من أداء الفئة المزوّدة بمحرك W12، باعتبار إنّو الفوارق بتبلغ 0,2 ثانية بمناورة التسارع، وبضع كيلومترات إضافية على صعيد السرعة القصوى. وكمان، خيار V8 مش بس أفضل على مستوى إستهلاك البنزين، لكن لجهة تعزيز خفّة الحركة ككل.

وفعالية المكابح واضحة بالرغم من تقل السيارة، نتيجة إستخدام أسطوانات من الحجم الكبير، من الممكن تكون إضافياً مصنوعة من الكربون والسيراميك، يعني أخف بمقدار 20 كيلوغرام،مع تحسّن الفعالية عند الإستخدام المتتالي لل Brakes.

ومن خلال تخفيف الوزن، والتخلّص من 25 كلغ. على مستوى المحور الأمامي أو ال Front Axle وحدو، وتطوير نظام التوجيه ككل، تحسّنت فعالية ودقة ال Steering Wheel وسلاسة الإلتفاف، خاصة إنّو هالشي ترافق مع تعديل بتوزيع الوزن الإجمالي. فبدلاً من توزيع بنسبة 54 % للأمام و46 % للخلف بالفئة W12، صار التوزيع بالفئة V8 الجديدة بيبلغ 51 % للأمام، و49 % للخلف، يعني صار متوازن أكتر.

وفي حال ملاحظة أي خروج للسيارة عن مسارها، بساعد نظام تحكم إلكتروني بالثبات، أو Electronic Stability Control السايق، على السيطرة على الأداء، وعلى ضبط تموّجات Body السيارة.

وبالخلاصة، ما في شكّ إنّو الفئة V8 الجديدة من Bentley Continental GT صارت أكتر خفّة وديناميكية، وخصوصاً أقل إستهلاكاً للبنزين. لكن كان لافت كمان تراجع سعر مبيعContinental الجديدة بنسبة 10 % تقريباً، خصوصاً نتيجة إستبدال المحرك. وهالشي عزّز قدرتا على المنافسة بمواجهة سيارات متل Jaguar XKR، وAston Martin DB9، وMaserati Gran TourismoوMercedes CL 63 AMG، وغيرن. وصحيح إنّو بعض الطرازات المنافسة هي أقوى من Continental GT V8 ، لكن الأكيد إنّو ما حدا أفضل منّا على صعيد نسب الإستهلاك.